ലോസ് ആഞ്ചലിസിലെ ഡോൾബി തിയറ്ററിൽ നടക്കാനിരിക്കുന്ന 98-ാമത് ഓസ്കർ പുരസ്കാര ചടങ്ങിനെ ലക്ഷ്യംവെച്ച് ഇറാന്റെ ഡ്രോൺ ആക്രമണം ഉണ്ടായേക്കാമെന്ന മുന്നറിയിപ്പിനെത്തുടർന്ന് സുരക്ഷ ശക്തമാക്കി യുഎസ്. മാർച്ച് 15-നാണ് ഓസ്കർ പ്രഖ്യാപനം.
യുഎസ് വെസ്റ്റ് കോസ്റ്റ് ലക്ഷ്യമാക്കി ഇത്തരം ഭീഷണിയുണ്ടാകാൻ സാധ്യതയുണ്ടെന്ന് എഫ്ബിഐ ഔദ്യോഗികമായി മുന്നറിയിപ്പ് നൽകി.
ഓസ്കർ ചടങ്ങിന് ഏതാനും ദിവസങ്ങൾ മാത്രം ബാക്കിനിൽക്കെയാണ് അതീവ ജാഗ്രത പാലിക്കാൻ അധികൃതർ നിർദ്ദേശിച്ചിരിക്കുന്നത്.
പൊതുജന സുരക്ഷ ഉറപ്പാക്കുന്നതിനായി ഉയർന്ന സജ്ജീകരണങ്ങളോടെ പ്രവർത്തിച്ചുവരികയാണെന്നും നിരീക്ഷണം ശക്തമാക്കിയതായും ലോസ് ആഞ്ചലിസ് കൗണ്ടി ഷെരീഫ് ഡിപ്പാർട്ട്മെന്റ് പ്രസ്താവനയിലൂടെ അറിയിച്ചു.
റെഡ് കാർപെറ്റ് ഉൾപ്പെടെയുള്ള എല്ലാ പരിപാടികളും അതീവ രഹസ്യവും കർശനവുമായ സുരക്ഷാ വലയത്തിലായിരിക്കും നടക്കുക. അമേരിക്കൻ സമയം മാർച്ച് 15-നാണ് ചടങ്ങുകൾ നടക്കുന്നത്.ഇന്ത്യയിലുള്ളവർക്ക് മാർച്ച് 16-ന് പുലർച്ചെ ജിയോ ഹോട്ട്സ്റ്റാർ വഴി ഈ പുരസ്കാര നിശ തത്സമയം കാണാം.